O VERBO

Para comezar, recordarvos que tedes as conxugacións verbais de diferentes verbos regulares e irregulares a partir da páxina 234 do libro de texto. Debedes ter ben claro cales son os tempos verbais para entender os exercicios e poder facelos correctamente.

Ata o momento traballastes con dúas fichas:

Nas seguintes ligazóns podedes atopar as correccións das dúas fichas:
* ACLARACIÓN DA CORRECCIÓN:
  • No exercicio 4 hai que ter en conta que hai verbos que teñen alternancia vocálica, é dicir, cambia a vogal da raíz ou a abertura da vogal da raíz. Na páx. 235 do libro están os modelos dos diferentes verbos con alternancia vocálica. 
    • O verbo vestir segue o modelo de "subir": no presente de indicativo cambia a vogal en todas as persoas do singular e na 3ª do plural; no presente de subxuntivo cambia a vogal en todas as formas (vista, vistas, vista, vistamos, vistades, vistan); no imperativo cambia a vogal na 2ª persoa do singular (viste).
    • O verbo servir ten un modelo que seguen outros verbos como mentir ou seguir: no presente de indicativo cambia a vogal na primeira persoa do singular; no presente de subxuntivo cambia en todas as formas (siga, sigas, siga, sigamos, sigades, sigan); no imperativo cambia a vogal na 2ª persoa (sigue).
    • O verbo subir ten un modelo que seguen outros verbos como cubrir ou fuxir: só no presente de indicativo cambia a vogal na 2ª e 3ª persoa do singular e na 3ª do plural.
    • No caso de coser e levar non cambia a letra, pero si a abertura da vogal. En galego, temos sete fonemas vocálicos porque o "e" e o "o" poden ser abertos (/ɛ/, /ɔ/) ou pechados (/e/, /o/).
  • No exercicio 5 cambia a abertura das vogais.
MÁIS RECURSOS PARA SEGUIR PRACTICANDO COS VERBOS:

Comentarios

Publicar un comentario